Жыцьцё табе дорыць ранак.
Прачніся, згатуй сьняданак –
Ён твой, падмацуйся здарова.
Якім будзе дзень – невядома.
Абед падзялі зь сябрамі,
Паплечнікамі-ваярамі,
Дай волю свае весялосьці –
Мо, ўвечар ня ўбачыш кагосьці.
Вячэрай пад яснаю зорай
Хай падсілкуецца вораг.
Аддай яму адпачынак –
Ён заўтра загіне, магчыма.
Жаўнерскім жыві запаветам,
Гары, каб хоць крыху сагрэцца,
Ланцужнікам не паддавайся,
Радзімы сваёй не цурайся!
|
|
